دینہ:فواد چوہدری نے کہا کہ وزیر اعظم میاں شہباز شریف کو نااہل کروانے کا منصوبہ لندن میں بنا ہے پنجاب اور خیبر پختونخواہ حکومت نامزدگیوں پر قائم ہے پنجاب اور خیبر پختونخواہ کے جو وزیر لگائے گئے ہیں جن کو گھر میں دوسری بار سالن نہیں دیتا وہ وزیر لگے ہیں۔
تحریک انصاف کے مرکزی رہنما و سابق وفاقی وزیر فواد چوہدری نے دینہ میں افطار ڈنر کی تقریب سے خطاب کرتے ہوئے کہا کہ وفاقی کابینہ کے 60فیصد لوگ بیل کے اوپر اور 65فیصد ای سی ایل کے اوپر تھے ان کو کہا گیا کہ ای سی ایل ختم کریں نیب کا کوئی قانون تبدیل کرنے سے زرداری ، شریف خاندان اور اراکین کو 11سو ارب روپے معاف کیے گئے۔
انہوں نے کہا کہ یہ دونوں بل اسی کابینہ نے پہلے دن منظور کیے وزیر اعظم اور ساری کابینہ 11سو ارب معاف کروا کر حج پر چلی گئی سو چوہے کھا کر بلی حج کو چلی گئی میاں صاحب کے حج کا ثواب بھی ہمیں ملتا ہے کیونکہ ہمارے پیسے کا حج ہو رہا ہے جس طریقوں سے انہوں نے لوٹ مار کی اب کوشش ہے کہ پیسے بچائے جا سکیں اس میں جو المیہ ہمارا ہوا ہے کہ ادارہ انڈیپینڈنٹ رول ادا نہیں کیا۔
فواد چوہدری نے کہا کہ آج اللہ کا شکر ہے کہ سپریم کورٹ کھڑی ہوئی ہے جسٹس عمر بندیال ذمہ دار اور پڑھا لکھا آدمی ہے جس کو پاکستان کے حقوق کا خیال ہے آج وہ کھڑا ہے اور اس کے ساتھ جج اس بلیک میلنگ کے خلاف کھڑے ہوئے ہیں اب ان کی فیملی کے اوپر ویڈیو بنا بنا کر ڈال رہے ہیں جج صاحبان کے اوپر روزانہ خبریں لگوائی جا رہی ہیں۔
انہوں نے کہا کہ پاکستان میں عدالتوں کے نظام کو ختم کیا جا رہا ہے جس طرح تحریک انصاف کے کارکنوں اور مجھے علی زیدی اورعلی امین پور گنڈا کو گرفتار کیا گیا ہے اور عام لوگوں کو بلاوجہ گرفتار کیا جا رہا ہے کس قانون کے تحت گرفتار کر رہے ہیں دس سال پرانے مقدمات میں علی زیدی کو گرفتار کیا گیا۔
رہنما پی ٹی آئی نے کہا کہ اس وقت ہمیں فسطائیت اور فاشزم کا سامنا ہے جس طرح تحریک انصاف کارکنوں نے اس ظلم و جبر کا جواب دیا وہ پاکستان کی تاریخ کا سنہری باب ہے پہلے وہ کہتے تھے کہ تحریک انصاف برگر پارٹی ہے اب پتہ لگا کہ برگر پارٹی نہیں فولاد پارٹی ہے۔
انہوں نے کہا کہ موجودہ حکمرانوں نے پاکستان کے آئین کی بنیادیں ہلا دی ہیں ، یہ کہتے ہیں کہ ہم عوام سے ووٹ کا حق بھی لے لیں تو پھر ریاست کا شہری کا رشتہ ہی ختم ہو جاتا ہے ، ریاست کا شہری کا رشتہ یہ ہے کہ ہم شہری ہیں ہمیں قاصد ہو گا کہ ووٹ سے حکمرانوں کو منتخب کریں اور اس کے بدلے میں ریاست کو ٹیکس دیں گے لیکن یہاںپر یہ کہہ رہے ہیں کہ ہم نے نامزدگیوں پر حکومت چلانی ہے ان کا عوام کے ساتھ کوئی تعلق نہیں ہے۔
فواد چوہدری نے کہا کہ ووٹ سے آنے والوں کا عوام سے رشتہ ہو گا اس وقت ہماری جو جدوجہد ہے وہ پاکستان کی عوام کو پاکستان کی شہریت کو پاکستان کے لوگوں کو غیرت دینے کی ہے کہ آپ پاکستان کے اصل حکمران ہیں یہ وہ جدوجہد ہے جس کو تحریک انصاف لیڈ کر رہی ہے تحریک انصاف کے علاوہ باقی کوئی لیڈ نہیں کر رہا۔
انہوں نے کہا کہ آئین بڑا واضع ہے سپریم کورٹ کا ہر حکم آرٹیکل 190اور 204کے تحت فائیٹنگ ہے اگر اس پر کوئی عمل در آمد نہیں کرتا تو 204کے تحت اس کے اوپر کارروائی ہو گی عملاً نہ کرنے کورٹ 6مہینے کی سزا اور 5سال کی نا اہلی سنا سکتی ہے۔
تقریب میں چوہدری فوق شیرباز ، فراز چوہدری ، چوہدری محمد انور ، چوہدری محمد ضمیر ، سید ابرار حسین شاہ ، انوار الحق مغل ، مرزا جمشید اشرف ، مہر عمران رشید ، عثمان بٹ اور دیگر رہنماؤں نے شرکت کی۔