دینہ: ایس ایچ او منگلا ملک نثار اور ٹیم کا قمار بازوں کے خلاف بڑا کریک ڈاؤن، اصیل مرغوں پر جواء کھیلنے والے 7 قمار باز گرفتار، پولیس نے مقدمہ درج کر لیا۔
تفصیلات کے مطابق ایس ایچ او منگلا ملک نثار اور ٹیم نے کارروائی کرتے ہوئے 7 قمار باز گرفتار کر لیے، گرفتار ملزمان میں اویس، تنویر، ذیشان، مصباح، ذوالقرنین، عباس اور فخر شامل ہیں۔ ملزمان سے داؤ پر لگی رقم 2 لاکھ 50 ہزار روپے، 8 موبائل فونز اور 3 اصیل مرغے برآمد کر کے ملزمان کے خلاف مقدمہ درج کر لیا۔
ڈی پی او جہلم ناصر محمود باجوہ نے حکم دیا کہ قمار بازی معاشرتی برائیوں اور جرائم کی جڑ ہے، قمار بازی کے خلاف کارروائیاں جاری رہیں گی، ڈی پی او جہلم ناصر محمود باجوہ نے ایس ایچ او منگلا اور ٹیم کو شاباش دی۔